უხვი ნალექის გამო ქობულეთის სოფლებში – ალამბარში, ქვედა და ზედა სამებაში, ქაქუთში და სოფელ ქობულეთში, მეწყერი ჩამოწვა.
„მეწყრის შედეგად გზები ჩაკეტილი იყო სოფლებში, დღეს ოთხი ერთეული ტექნიკა მუშაობდა, გაიხსნა გზები და ხვალაც გაგრძელდება გაწმენდითი სამუშაოები. ხუთ ოჯახთან ახლოსაა მეწყერი ჩამოწოლილი, რაც გეოლოგიური სამსახურის მიერ იქნება შესწავლილი, თუმცა ამ ეტაპზე საფრთხე არ არსებობს“, – აღნიშნა ქობულეთის გამგებელმა სულხან ევგენიძემ.
კომენტარები