საპარლამენტო უმრავლესობის ლიდერმა მამუკა მდინარაძემ საარჩევნო ბლოკ “ერთიანი ნაციონალური მოძრაობა – ძალა ერთობაშიას” პარტიული სია შეაფასა.
მისი განცხადებით, სიის პირველი ნომერი ცხადყოფს, რომ მათ ლიდერი პოლიტიკოსი არ ჰყავთ.
“ჩვენ გვაქვს ინფორმაცია, რომ სერიოზული დაძაბულობა იყო ნაცმოძრაობის კლასტერში, ვერ იყოფდნენ ადგილებს. მათ კარგად იციან, რომ დაახლოებით 10-დან 15 მანდატამდეა მათი მაქსიმუმი, ისიც საუკეთესო შემთხვევაში და ამ სიაში მოხვედრისთვის, დიდი ორთაბრძოლები იყო და, ამიტომ, ბოლო წუთამდე ძლივს წარადგინეს სია. რაც შეეხება სიის პირველ ნომერს, ამასთან დაკავშირებით, არაფერს ვიტყვი, გარდა იმისა, რომ მათ, რეალურად, არ ჰყავთ ლიდერი პოლიტიკოსი, რომელსაც ისინი ჩასვამდნენ პირველ ნომრად. მათი სია გაჯერებულია იმ პოლიტიკოსებით, რომლებიც ასოცირდებიან წარსულთან და ბოროტებასთან,”-განაცხადა მამუკა მდინარაძემ.