“პატრიოტთა ალიანსი“ არის პირდაპირ რუსული პროექტი, რასაც ისინი ლაპარაკობენ, ჩათვალეთ, რომ პუტინის რომელიღაცა შნირი გელაპარაკებათ”, – ასე გამოეხმაურა “ევროპული საქართველოს” ზუგდიდის მაჟორიტარი დეპუტატობის კანდიდატი, გიგი უგულავა “პატრიოტთა ალიანსის” დამფუძნებლის, დავით თარხან-მოურავის განცხადებას პარტიების რეიტინგებთან დაკავშირებით.
შეგახსენებთ, „პატრიოტთა ალიანსის“ თავმჯდომარემ, დავით თარხან-მოურავმა განაცხადა, რომ მათ აქვთ ზუსტი მონაცემები, თუ როგორ ნაწილდება წინასაარჩევნოდ მოქალაქეების ხმები საქართველოში. „სააკაშვილს აქვს 3%-ზე ნაკლები, ბოკერიას აქვს 1%-ზე ნაკლები, „ქართულ ოცნებას“ დაახლოებით 13% და ჩვენ ყველას ერთად აღებულს ვუსწრებთ“, – განაცხადა დავით თარხან-მოურავმა.
კომენტარები