თუ ასეთი შეცდომა მოხდა, მე ვუხდი თითოეულ მოქალაქეს ბოდიშს – ასე უპასუხა პრემიერ მინისტრმა ჟურნალისტის კითხვას, რომელიც კოვიდტესტირების პროცესში შესაძლო ხარვეზებს ეხებოდა.
„მარტში საქართველოს ჯანდაცვის სისტემა აკეთებდა 200 ტესტს. ახლა, თქვენ რა პერიოდზეც საუბრობთ, დღეში გაკეთდა 14 000 ტესტი. აქედან 10, 15, თუნდაც 100 და 150 შეცდომა თუ იყო, რა თქმა უნდა, ბოდიში უნდა მოვუხადოთ მოქალაქეებს და მადლობა ვუთხრათ ჩვენს ჯანდაცვის სისტემას, რომ ასეთ მოკლე დროში შეძლეს ტესტების რაოდენობის გაზრდა.
არ გახსოვთ ტესტირების პროცესზე რამდენს ჭორაობდნენ? მაშინაც იყენებდნენ გაურკვეველი პოლიტკური სპეკულაციებისთვის.
ტესტირების პროცესში ბევრი სხვადასხვა რგოლია ჩართული, ნაცხის ამღებები, ლაბორატორიები, ელექტრონული სისტემა… მერწმუნეთ, იმ დროში, რა დროშიც ეს შედეგი იყო მიღებული, სხვა ბევრ ქვეყანასთან შედარებით საუკეთესოდ მუშაობენ.
შეიძლება ასეთი გადაცდომები იყო. მე ვუხდი ბოდიშს თითოეულ მოქალაქეს“, – აღნიშნა პრემიერ მინისტრმა.