ჟურნალისტი და საინფორმაციო სააგენტო “ექსკლუზივ ნიუსის” დამფუძნებელი, დარეჯან ლიპარტელიანი, სოციალურ ქსელში ყოფილი შს მინისტრის, ვანო მერაბიშვილის ვიზიტს ზუგდიდში ეხმიანება და ფეისბუქის საკუთარ გვერდზე პოსტს აქვეყნებს:
“ეს არარაობა, ვანოია ენაბლუ, ახალციხელი – უდელი ბიჭი – “ორი გვამი”, ორი დღის წინ, ზუგდიდში ერთ-ერთი რესტორნიდან გამოაძევეს…
ამ გარეწარს, დაგეგმილი ჰქონდა და აქვს, ამ ორი კვირის განმავლობაში, დიდ ქალაქებში, ზუგდიდში, ბათუმში, ქუთაისში, გორსა და თბილისში, რესტორნებში ცნობად ნაციონალებთან ერთად, პროვოკაციების მოწყობა. კონკრეტულად კი, ვანოიას ჩამოწერილი აქვს, იმ რესტორნების სია, ქალაქების მიხედვით, სადაც ზონდერ ჯგუფებთან ერთად, მან და ცნობილმა ნაც-ლიდერებმა, პროვოკაციები უნდა მოაწყონ. ამისათვის, შერჩეულია ისეთი ტიპის რესტორნები, სადაც, მიუხედავად კოვიდ შეზღუდვებისა, მაინც ხალხმრავლობაა… ანალოგიური და უფრო ფართო მასშტაბიანი პროვოკაციების კასკადი, ბათუმში იყო დაგეგმილი, მაგრამ ბათუმში დაწესებულმა შეზღუდვებმა და მთავარი მამოძრავებელი ძალის, ლევან ვარშალომიძის ოჯახის კოვიდით დაინფიცირებამ, ნაცებსა და ვანოია “ორ გვამს” , გეგმები კარდინალურად შეუცვალა… ორი დღის წინ, საცდელი, საპილოტე, პირველი მცდელობა, – ვიზიტი ზუგდიდში განხორციელდა., თუმცა, პროვოკაციის, სკანდალის აწევის მცდელობა, ნაცებსა და ვანოიას, წყალში ჩაეყარათ და ერთ-ერთმა აქტივისტმა ახალგაზრდამ, გიორგი გაბედავამ ვანოია “ორი გვამი”, რესტორნიდან, სულ ბუნძულ-ბუნძულით გამოაძევა და მშვიდი სადილობის უფლება არ მისცა. რომ არა გიორგი გაბედავა, დაბეჯითებით შემიძლია ვთქვა რომ, ვანო მერაბიშვილი, ზაზა გოროზიასთან ერთად, ზუგდიდში რესტორანში, გემრიელად და კარგადაც იქეიფებდა.
ეს მოხდა ზუგდიდში, მაგრამ ასე მსუბუქად და ენის მოჩლექვით, აქ ამ ქალაქში და არც სხვა ქალაქებში, ასე არ მოექცევიან და ამ ენაბლუს, პირსისხლიან მერაბიშვილს, თავ-პირს დაუჩეჩქვავენ… ასე რომ, ის დროა ყველა რესტორანი და მსხვილი კვების ობიექტები, სუსმა, მკაცრად გააკონტროლოს და ნაციონალებს, პროვოკაციების მოწყობის საშუალება, არ მისცეს. ასევე, მკაცრად უნდა გაკონტროლდეს, იმ ობიექტების უსაფრთხოების სამსახურის ხელმძღვანელი და მომუშავე პირები, რომელთა უმეტესობაც, ნაცებმა რამდენიმე თვის წინ, თავიანთი კადრებით ჩაანაცვლეს, სიტუაციას პრაქტიკულად ისინი აკონტროლებენ. ეს თემა საყურადღებოა და იმედია, შესაბამისი სამსახურები ამ საკითხს, მიხედავთ და ერთი ყურიდან, მეორე ყურში, არ გაატარებთ.
პ.ს. ვინც მიცნობს, ყველამ კარგად იცის, რომ მე, ისე ჰაერზე და ზერელედ, არაფერს ვამბობ.. ეს არც პიარისთვის და არც სხვა რამისთვის, მე არ მჭირდება და რასაც ვამბობ, ის მრავალგზის გადამოწმებული მაქვს. ჩემი როგორც ნორმალური ადამიანის მთავარი მიზანია, ამ გახრწნილმა და ჯალათმა ნაციონალებმა, ნაკლებად ავნონ ჩემს ქვეყანას, ჩემს ოჯახსა და ჩემს მეგობრებს… სწორედ ამიტომ, სანამ მოხდება ფაქტი, მანამდე უნდა მოვახდინოთ მისი თავიდან აცილება, აბა რომ შევარდებიან რომელიმე რესტორანში, იმ ქონდრის კაცის ტელეკამერებითურთ და სიცრუისა და ბოროტების რეპორტაჟების გადმოცემას დაიწყებენ, მაგ მომენტის შემდეგ, გინდა სუსი ჩაერიოს და გინდა მუსი, რა აზრი აქვს?!… მოკლედ, მე ჩემი გითხარით და აწი, თქვენი გასაკეთებელია! “,წერს ლიპარტელიანი.