ბადრი ესებუას ძმა ბიკენტი ესებუა სამართალდმაცველებმა დაკითხვაზე ზუგდიდის სამხარეო პოლიციაში გადაიყვანეს.
“საქართველოს ბანკის” ფილიალზე თავდასხმაში ბრალდებულის დასაკავებლად მიმდინარე სამძებრო და საგამოძიებო სამუშაოების პროცესში, ბადრი ესებუას მშობლებისა და მისი ძმის ბიძინა ესებუას სახლის ჩხრეკა პარალელურ რეჟიმში მიმდინარეობს.
შეგახსენებთ, რომ ზუგდიდის ცენტრში, გამსახურდიას ქუჩაზე მდებარე „საქართველოს ბანკში“ შეიარაღებულმა პირმა მძევლები 21 ოქტომბერს 14 საათსა და 24 წუთზე აიყვანა. 8 საათიანი მოლაპარაკებების შედეგად მან მძევლების ნაწილი ნახევარი მილიონი დოლარის სანაცვლოდ გაათავისუფლა და ოთხ მძევალთან ერთად, რომელთა შორის იყო სამეგრელო-ზემო სვანეთის სამხარეო პოლიციის დეპარტამენტის დირექტორი ავთანდილ გალდავა, ბანკიდან ჩხოროწყუს მიმართულებით გაიქცა. რამდენიმე საათის შემდეგ თავდამსხმელმა მძევლები კირცხის ტყესთან დატოვა, თვითონ კი მიიმალა და მას ამ დრომდე ეძებენ.