ნათელაშვილია ერთ-ერთი ლიდერი და მეორე სააკაშვილი, რომელიც მუდმივად საუბრობს არეულობაზე. ისინი ამბობენ, რომ არ შეიძლება არჩევნების გზით ხელისუფლება შეიცვალოს, – ამის შესახებ „ქართული ოცნების“ დიდუბე-ჩუღურეთის მაჟორიტარი დეპუტატობის კანდიდატმა, გია ვოლსკიმ „რუსთავი 2“-ის ეთერში განაცხადა.
„სამწუხაროა, რომ საქართველოში არამხოლოდ ოპოზიცია, არამედ უმრავლესობის ბევრი მხარდამჭერიც მოგვმართავს რომ უნდა აქცია გამართოს თავისი ხმების დასაცავად. საქართველოა და შუაზე ხო არ გავგლეჯთ არა?!
საზოგადოებაში წითელი ხაზის გავლება და ანტაგონიზმი ვისი ხელწერაც იყო, ხო ვნახეთ ყველამ? სისხლისღვრას ვინ გეგმავდა ხო მოვისმინეთ? ხომ ხედავთ, რაც ხდება და ვინ ვისი ენით საუბრობს?!
ოპოზიცია იმ კალაპოტში ზის, რომელიც სააკაშვილმა გამოთხარა და რომელშიც შედის ნათელაშვილის თამადობით დანარჩენი კლასტერი“, – განაცხადა გია ვოლსკიმ.