ნიკოლოზ მჟავანაძემ ,,მარშალპრესის’’ პრეს-კლუბში გამართულ პრესკონფერენციაზე, 30 ოქტომბრის არჩვენებზე მოსალოდნელ პროვოკაციებზე ისაუბრა. მისი თქმით, მარნეულში დაგეგმილ პროვოკაციებს ახმედ იმამკულიევი ორგანიზატორობს.
„ჩვენ არაერთხელ გაგვიკეთებია განცხადება მარნეულში მომხდარ პროვოკაციასთან დაკავშირებით. ეს იყო ყოვლად ამაზრზენი და დაუშვებელი ფაქტი, რომელიც ყოველგვარ სამართლებრივ ნორმებს სცდებოდა. საქართველოს უახლოეს ისტორიაში მე იშვიათად მახსენდება ფაქტი, რომ ქვები დაეშინათ, პოლიცილები დაესისხლიანებინათ. რომ არა იქ სპეცნაზის ჩასვლა, შესაძლოა ადამიანების სიცოცხლეც ტრაგიკულად დასრულებულიყო. მარტო ის 4-5 ადამიანი კი არ უნდა დაეკავებინათ, არამედ ისიც, ვინც ამ ყველაფერის ორგანიზატორი იყო. ამ შემთხვევაში „ნაციონალური მოძრაობის“ კანდიდატი მარნეულში – იმამკულიევი.
ყველაზე ცუდი ის არის რომ 30 ოქტომბერს, ჩვენი ინფორმაციით, მარნეულში კვლავ მსგავსი ტიპის პროვოკაციები იგეგემება. როდესაც მარნეულში განმეორებითი კენჭისყრა ჩატარდა, კარგად მოგეხსნებათ „ქართული ოცნებისა“ და „ნაციონალური მოძრაობის“ ლიდერები იყვნენ ჩასული რამდენიმე უბანზე და ამით მოხერხდა ის, რომ ექცესებს ადგილი არ ჰქონდა. ახლა როდესაც რამდენიმე უბანზე კიარა, მთლიანად მარნეულში ჩატარდება კენჭისყრა, ცოტა რთული იქნება იქ სიტუაციის დარეგულირება. აქედან გამომდინარე, მე მოვუწოდებ ხელისუფლების შესაბამის სტრუქტურებს, გამოიჩინონ წინდახედულობა და მხედველობაში მიიღონ ის, რომ „ნაციონალური მოძრაობა“ და განსაკუთრებით ახმედ იმამკულიევი სახიფათო თამაშს ეწევა მარნეულში. იქ გარდა იმისა, რომ არჩევნები ტარდება, კარგად მოგეხსნებათ, ეთნიკური უმცირესობებით დასახლებული რეგიონია, ძირითადად აზერბაიჯანელი მოსახლეობით. ამიტომ ორ ქვეყანას შორის დაძაბულობის შექმნის მიზნით, იმამკულიევის მხრიდან პროვოკაციის შემცველი განცხადებები კეთდება. ალბათ, იხილეთ, არჩევნების შემდეგ როგორ ხევდნენ პლაკატებს მისი მხარდამჭერები და როგორი შეძახილები ისმოდა მათი მხრიდან, თითქმის ბართლომეს ღამე მოაწყვეს მარნეულში. ადამიანებს ყურანზე აფიცებენ, რადგან ბოლომდე ერთგულები იყვნენ.
რომ არ მოხდეს მსგავსი ტიპის პროვოკაციები, რომელიც მოხდა პირველ ტურში, ხელისუფლებამ აუცილებლად უნდა მიიღოს შესაბამისი ზომები. ის რომ პოლიცია საარჩვენო უბნის მიდამოებში იყოს – ეს ნამდვილად არ არის კანონდარღვევა, არც პრობლემა და სხვათაშორის სწორედ ამას აპროტესტებდა იმამკულიევი.
გახსოვთ ალბათ, განმეორებითი კენჭისყრა რომ იყო, ამბობდა, აქ პოლიციის მანქანა რატომ არისო. თუ ადამიანს ცუდი ზრახვები არ აქვს, რატომ აშინებს პოლიციის იქ ყოფნა? – პოლიცია წესრიგს იცავს. პოლიციის ყოფნა არ შეიძლება საარჩევნო უბანზე, ეს არის დაუშვებელი, თორემ საარჩევნო უბნის გარეთ ეს პრობლემას არ წარმოადგენს.
განსაკუთრებულ ყურადღებას იმიტომ ვუთმობ მარნეულს, რომ ვფიქრობ, დანარჩენ ოლქებში ნაკლებად მოსალოდნელია პროვოკაციები და ვნებათაღელვა. ხელისუფლებამ ყველანაირი ზომა უნდა მიიღოს ამ საკითხთან დაკავშირებით. ასეთი რამ კიდევ რომ განმეორდეს ნამდვილად დიდ პრობლებს შეგვიქმნის, თუნდაც იმ დასკვნასთან მიმართებაში, რომელიც არჩევნების შემდეგ საერთაშორისო ორგანიზაციების მხრიდან უნდა დაიწეროს. ეს ნამდვილად არ იქნება სახარბიელო ჩვენი ქვეყნისთვის. ამიტომ მიიღეთ ყველა ზომა რომ მარნეულში არჩევნების ჩატარდეს კანონის სრული დაცვით“, – განაცხადა ნიკოლოზ მჟავანაძემ.