პოლიტოლოგ გია ხუხაშვილის განცხადებით, ის, რომ ირაკლი ოქრუაშვილი პოლიტიკურ არენაზე გამოჩნდა და გორში გარკვეულწილად აქტიურობს, ეს მეორე ლიგაში დაპირისპირებაა და ოქრუაშვილის გააქტიურებას არასერიოზულად უყურებს.
ამ თემაზე ხუხაშვილმა გაზეთ „ალიასთან“ ისაუბრა.
„მისმა პოლიტიკურმა ბიოგრაფიამ და პიროვნულმა ტრაგედიამ ჩვენს თვალწინ გაიარა. ჯერ მაჩოს როლში მოგვევლინა და შემდგომ საპირისპირო როლი მოირგო, ახლა ისევ მაჩოს თამაშობს. მას არასერიოზულად ვუყურებ. ბევრი ცუდი რამ, რასაც სააკაშვილი აკეთებდა, ამ სიბინძურის მთლიანი თანამონაწილე იყო ირაკლი ოქრუაშვილი და ყველა ის სიმახინჯე, რაც მიშამ დაიწყო, პირველი ნაბიჯები სწორედ ირაკლის მხრიდან გვახსოვს, საროსკიპოების დარბევიდან დაწყებული, ომის რიტორიკით გაგრძელებული და ასევე, კამერების წინ ბოდიშებით დამთავრებული. მის პოლიტიკურ პერსპექტივას სერიოზულად არ ვუყურებ“ – აცხადებს ხუხაშვილი.