საქართველოს თავდაცვის სამინისტრო ეხმაურება „მწვანე ბარათის სააპლიკაციო ცენტრის“ მიერ ამა წლის 27 ოქტომბერს სოციალურ ქსელში გამოქვეყნებულ სარეკლამო გაცხადებას, რომლის მიხედვითაც ცენტრი მწვანე ბარათის გათამაშებაში მონაწილეობის მსურველ სამხედრო მოსამსახურეებს აპლიკაციის შესავსებად 50%-იან ფასდაკლებას სთავაზობს.
გვსურვს განვმარტოთ, რომ საიმიგრაციო ვიზის პროგრამა „მწვანე ბარათის“ გათამაშება ამერიკის შეერთებული შტატების საელჩოს პრეროგატივაა და მასში მონაწილეობის მისაღებად აპლიკაციის შევსება ნებისმიერ მსურველს უფასოდ შეუძლია. ინფორმაცია აღნიშნულ შეთავაზებასთან დაკავშირებით, გადამოწმებულია აშშ-ს საელჩოსთან, სადაც მსგავსი ტიპის შეთანხმება კონკრეტულ ცენტრთან არ დაადასტურეს.
საკონსულტაციო ცენტრის მიერ გაჟღერებული ინფორმაცია არც საქართველოს თავდაცვის სამინისტროსთან შეთანხმებით მომხდარა და ლოგოც უწყების ხელმძღვანელობის ნებართვის გარეშე იქნა გამოყენებული.
საქართველოს თავდაცვის სამინისტროს მიზანს, თითოეულ სამხედრო მოსამსახურის კეთილდღეობაზე ზრუნვა წარმოადგენს. შესაბამისად, თავს ვალდებულად ვთვლით, გავაკეთეთო აღნიშნული განმარტება და ჩვენი ქვეყნის სამხედრო მოსამსახურეები დავიცვათ იმ ტიპის შეთავაზებებისგან, რომელმაც შესაძლოა ისინი შეცდომაში შეიყვანოს.