კახა კალაძე გიორგი გახარიასთან დებატებისთვის მზად არის. ამის შესახებ კახა კალაძემ ტელეკომპანია “რუსთავი 2”-ის ეთერში ჟურნალისტის კითხვის საპასუხოდ განაცხადა, რომელმაც იკითხა, მზად იყო თუ არა მიეღო გახარიას გამოწვევა და დასჯდომოდა მას დებატებში.
როგორც კალაძემ აღნიშნა, არაფრით განსხვავდება გიორგი გახარია ან ნიკა მელია ანა დოლიძესგან ან იგივე რიჩარდისგან. ის მზად არის დებატებისთვის აბსოლუტურად ყველასთან.
“ჩვენ უნდა ვისწავლოთ ერთმანეთის პატივისცემა. ჩემთვის არაფრით განსხვავდება გიორგი გახარია, თუნდაც ნიკა მელია ანა დოლიძესგან ან იგივე რიჩარდისგან. კახა კალაძე დებატებში დაუჯდება ყველას”, – განაცხადა კალაძემ.
ცნობისთვის, პარტია „საქართველოსთვის“ მერობის კანდიდატმა, გიორგი გახარია კახა კალაძე და ნიკა მელია დებატებში გამოიწვია.
კომენტარები