„ყველა გატანილი ექსპონატი მუზეუმს უკან უნდა დაუბრუნდეს“, – განაცხადა საქართველოს კულტურის, სპორტისა და ახალგაზრდობის მინისტრმა ეროვნული გალერეიდან 2010 წელს ჩეხეთის რესპუბლიკაში გატანილი 4 ფერწერული ტილოს კვლავ მუზეუმში წარდგენის ღონისძიებაზე.
თეა წულუკიანის თქმით, შალვა ამირანაშვილის სახელობის ხელოვნების მუზეუმის ფონდებში ინვენტარიზაციის პროცესი გრძელდება და პროცესის დასრულებისთანავე, შედეგები საზოგადოებას ეცნობება.
„არაერთი წლის განმავლობაში, ექსპონატის მუზეუმში დაუბრუნებლობა მისი დაკარგვის რეალურ საფრთხეს ქმნის. ჩვენ კი, კანონი პირდაპირ გვავალებს ამ ექსპონატებზე ზრუნვასა და მათი მომავალი თაობებისათვის გადაცემას“, – განაცხადა თეა წულუკიანმა.
კომენტარები