არჩევნების წინა დღეებში, როდესაც სააკაშვილი აცხადებდა, რომ ჩამოვა საქართველოში, ჩვენი ევროპელი პარტნიორები გამოეხმაურნენ ამ ფაქტს და პირდაპირ თქვეს, რომ ესაა პროვოკაცია და კიდევ მორიგი თავდასხმის მცდელობა საარჩევნო პროცესზე, – ეს განცხადება „ქრონიკაში“ საპარლამენტო უმრავლესობის წევრმა არჩილ თალაკვაძემ გააკეთა.
„ამის მიუხედავად, მიხეილ სააკაშვილი ჩამოვიდა საქართველოში. ჩამოვიდა ისეთ სტილში, როგორც თავის დროზე მოიქცა 2008 წლის ომში, გორში როდესაც თვითმფრინავი დაინახა. მაგრამ ამას რომ თავი დავანებოთ, ახლა ყველაზე მნიშვნელოვანი გახლდათ რაზეც ჩვენ ვსაუბრობდით და მეც გითხარით, რომ დემოკრატიაში ოპოზიციას რომ არ უნდოდეს ოპოზიციაში ყოფნა, ესაა წარმოუდგენელი, ესაა ანომალია. დემოკრატიისთვის აუცილებელია, რომ პასუხისმგებლობა აიღოს გამარჯვებულმა და ოპოზიციამ შეასრულოს ოპოზიციის ფუნქცია. სადაც შეუძლია ეროვნული ინტერესებიდან ჩაერთოს კონსტრუქციულად, სადაც ოპონირებაა საჭირო იქ გაუწიოს ხელისუფლებას ოპონირება“, – აღნიშნა თალაკვაძემ.
საქართველოს ყოფილი პრეზიდენტი, მიხეილ სააკაშვილი 1-ელ ოქტომბერს დააკავეს