ჟურნალისტ კოკა ყანდიაშვილის განცხადებით, 2007 წლის 7 ნოემბერს მშვიდობიანი მომიტინგეების დარბევისთვის პასუხი ყველა დამნაშავემ უნდა აგოს.
მისივე თქმით, 7 ნოემბრის შემოქმედი გიგა ბოკერიაა.
ამ თემის შესახებ კოკა ყანდიაშვილმა გაზეთ „ასავალ დასავალთან“ ინტერვიუში ისაუბრა.
„კანონის წინაშე პასუხი უნდა აგოს ყველა იმ რიგითმა პოლიციელმა, რომელიც 7 ნოემბერს ხალხს სასტიკად არბევდა და აფთიაქებსა და სუპერმარკეტებში თავშეფარებულ მშვიდობიან მომიტინგეებსაც კი ფიზიკურად უსწორდებოდა.
საერთოდ, 7 ნოემბრის დანაშაულის უშუალო შემოქმედია გიგა ბოკერია, რომელიც ციხეში უნდა იჯდეს. ციხეში უნდა იჯდეს თბილისის საკრებულოს ყოფილი თავმჯდომარე ზაზა ბეგაშვილი, რომელიც ხალხის დარბევის შემდეგ სისხლიან რუსთაველის პროსპექტზე მარშირებდა და „მიშა, მიშას“ ყვიროდა.
ციხეში უნდა ისხდნენ მაშინდელი საპატრულო პოლიციის ხელმძღვანელები – გოგა გრიგალაშვილი და გიორგი გეგეჭკორი.
ციხეში უნდა ისხდნენ ის ზონდერები, რომლებიც ყვიროდნენ – „ბადრის რააა…“!
კითხვას ვსვამ – ვინც ავთო ჯორბენაძეს ხელკეტს ურტყამდა, ის ზონდერი დაიჭირეს და პასუხი აგებინეს?!“ – აცხადებს კოკა ყანდიაშვილი.