მუსიკოსისა და ბლოგერის სვიმონ ჯანგულაშვილის განცხადებით, პოლარიზაციის დასასრულებლად ხელისუფლებამ უნდა იმუშავოს საზოგადოებასთან და მედიაგარემო გააჯანსაღოს.
„დღეს ორი მიმართულებითაა სამუშაო, საზოგადოებასთან და მანიპულაციების შემოქმედებთან. რადგან არ ხერხდება ლუსტრაციის კანონის მიღება, ამას ბევრი სირთულე აქვს, ამაში მოჰყვება კომუნისტების დროინდელი ხალხიც და რამაც შეიძლება გამოიწვიოს ეროვნული კატასტროფა“, – ამის შესახებ მუსიკოსმა და ბლოგერმა სვიმონ ჯანგულაშვილმაგადაცემაში „იმედი LIVE“ განაცხადა განაცხადა.
„ხელისუფლებამ ძალიან დემოკრატიულად და დელიკატურად ყველაფერი უნდა გააკეთოს რომ ჩვენთან მასმედია იყოს ისეთი როგორც ევროპაშია, რათა სამუდამოდ დამთავრდეს მანიპულაციები. სამუდამოდ დამთავრდეს რეალობის გაყალბება, ისტერიკა.
2012 წელს რომ დამარცხდნენ „ნაციონალები“, ერთი წელი იყვნენ მიყუჟულები და იმის შემდეგ ერთი და იგივე რაღაც ხდება. ყველაფერს აკეთებენ ძირითადად მედიის და ტელევიზიების საშუალებით, რომ გააყალბონ რეალობა. ამას ხელისუფლებამ უნდა მოუაროს ისე, რომ შევინარჩუნოთ ოპოზიციური მედია, მაგრამ კანონი უნდა იყოს მიღებული ნიუსების შესახებ, შეურაცხყოფისა და ცილისწამების შესახებ, რაც იღვრება“, – აღნიშნა ჯანგულაშვილმა.