სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ ასი ათასი მოწამის ხსენების დღეს, 100 000 მოწამის სახელობის მეტეხის ხიდზე პარაკლისი აღავლინა.
“წმინდა ასი ათასი მოწამის ლოცვა გადაარჩენს საქართველოს”,- განაცხადა პატრიარქმა.
წმინდა 100 ათასი ქართველი მოწამე, ჯალ-ალ-ედინის ბრძანებით, ხვარაზმელების მიერ სარწმუნოებისთვის მე-13 საუკუნეში აღესრულა. მეტხის ხიდზე მოწამეებს უფლისა და ღვთისმშობლის ხატების შეურაცხყოფა უბრძანეს. ხვარაზმელებმა მათ თავები მოკვეთეს და მტკვარში ჩაყარეს.
კომენტარები