“საქართველოს ხელისუფლება იმ ქვეყნებიდან ერთ-ერთი პირველი იყო, რომელიც გადატრიალების მცდელობის შემდეგ ჩამოვიდა თურქეთში”

საქართველოს ხელისუფლება იმ ქვეყნებიდან ერთ-ერთი პირველი იყო, რომელიც გადატრიალების მცდელობის შემდეგ ჩამოვიდა თურქეთში და მხარდაჭერა გამოუცხადა თურქეთის რესპუბლიკას და მის დემოკრატიას, – ამის შესახებ საქართველოში თურქეთის ელჩმა ზექი ლევენთ გუმრუქჩუმ 15 ივლისის სამხედრო გადატრიალების მცდელობის ამსახველი ფოტოების გამოფენაზე ჟურნალისტებს განუცხადა.
როგორც ელჩმა აღნიშნა, 15 ივლისის სამხედრო გადატრიალების მცდელობა საფრთხეს არა მხოლოდ თურქეთისთვის, არამედ მთლიანად რეგიონისთვის წარმოადგენდა.
”თურქულში არსებობს ასეთი გამოთქმა – ”ერთმა ფოტომ შეიძლება იმაზე მეტი თქვას, ვიდრე სიტყვებმა” და ვფიქრობთ, ეს ფოტოები ნათლად წარმოაჩენს იმ დღეს ხალხის დამოკიდებულებას, რომლებიც გამოვიდნენ თავისი ქვეყნის დემოკრატიის სადარაჯოზე. ეს სამხედრო გადატრიალება საფრთხეს უქმნიდა არა მხოლოდ თურქეთს, არამედ დიდ საფრთხეს წარმოადგენდა მთლიანად რეგიონისთვის. საქართველოს ხელისუფლება იმ ქვეყნებიდან ერთ-ერთი პირველი იყო, რომელიც გადატრიალების მცდელობის შემდეგ ჩამოვიდა თურქეთში და მხარდაჭერა გამოუცხადა თურქეთის რესპუბლიკას და მის დემოკრატიას”, – განაცხადა გუმრუქჩუმ.