“ის, რომ ოსმალეთში ვიბრძოდი, ტანკისტი ვიყავი და სააკაშვილს ვებრძოდი, მსგავსი რიტორიკა ჩვენგან აღარ იქნება”

პარლამენტში 215 კაცი რომ 27-ს ებრძოლოს, მგონი ლამაზი აღარ იქნება, თუმცა ეს იმას არ ნიშნავს, რომ „ნაციონალური მოძრაობის“ მიერ ჩადენილი ბევრი დანაშაული დავიწყებას მიეცემა, – ამის შესახებ „კვირას“ პრესკლუბში გამართულ პრესკონფერენციაზე უმრავლესობის წევრმა ნუკრი ქანთარიამ განაცხადა.
ნუკრი ქანთარია თვლის, რომ პარლამენტი 4 წლის მანძილზე გაცილებით მშვიდ გარემოში იმუშავებს. ნუკრი ქანთარია „ქართული ოცნების“ მხრიდან რიტორიკის შეცვლაზეც საუბრობს.
“რაც “ნაციონალებმა“ ახალი პარლამენტის შეკრების დროს სცადეს, ეს იყო ჯერ კიდევ ქუჩიდან შემორჩენილი რიტორიკა, საქმე იმაზე სერიოზული გვაქვს საკეთებელი, ვიდრე კინკლაობაა. ის, რომ მე ოსმალეთში ვიბრძოდი, ტანკისტი ვიყავი და რომ სააკაშვილს ვებრძოდი, მსგავსი რიტორიკა ჩვენგან აღარ იქნება.
მე ვფიქრობ, რომ ამ ეტაპზე საქმე გვაქვს საკეთებელი, მით უმეტეს, არიან ახალი სახეები, რომლებიც საქმიანად ჩაერთვებიან პარლამენტის მუშაობაში.
ის, რომ 115 კაცი 27-ეს ებრძოლოს, არ იქნება ლამაზი, მაგრამ ეს არც იმას ნიშნავს, რომ თუ ვინმეს დანაშაული აქვს ჩადენილი, პრკურატურას დაავიწყდება,“-განაცხადა ნუკრი ქანთარიამ „კვირას“ პრესკლუბში გამართულ პრესკონფერენციაზე.