დღეს კანონმდებლები პარლამენტის წევრების – შალვა ნათელაშვილისთვის, ელენე ხოშტარიასა და ბადრი ჯაფარიძისთვის მანდატების ვადამდე შეწყვეტის საკითხს განიხილავენ.
საპროცედურო საკითხთა და წესების კომიტეტზე განხილვის შემდეგ, საკითხი საგაზაფხულო სესიის პირველივე პლენარულ სხდომაზე გავა.
რაც შეეხება მანდატების ვადამდე შეწყვეტის საკითხის განხილვის მიზეზებს – ხოშტარია და ნათელაშვილი მეათე მოწვევის პარლამენტში სხდომებს არ დაესწრებიან. ვინაიდან, ბოიკოტთან დაკავშირებით, მათ განაცხადი დაწერილი არ ჰქონდათ, პარლამენტის რეგლამენტის მიხედვით, გაცდენები არასაპატიოა. რაც შეეხება ბადრი ჯაფარიძეს, მის მიმართ გამამტყუნებელი განაჩენია კანონიერ ძალაში შესული.
კომენტარები