“ნაციონალური მოძრაობის” გადაწყვეტილებას მივესალმები”

საქართველოში ევროკავშირის ელჩის კარლ ჰარცელის განცხადებით, მიესალმება „ნაციონალური მოძრაობის“ გადაწყვეტილებას პარლამენტში დაბრუნებასთან დაკავშირებით.

ჰარცელის თქმით, ჯერ კიდევ 19 აპრილის შეთანხმებაში იყო ფორმულირებული მათი მოწოდება პასუხისმგებლობის აღებასა და პარლამენტში შესვლაზე.

„რაც შეეხება „ერთიანი ნაციონალური მოძრაობის“ გადაწყვეტილებას პარლამენტში დაბრუნებასთან დაკავშირებით, ამ გადაწყვეტილებას ძალიან მივესალმები. თქვენ იცით, რამდენად დაუღალავად ვცდილობდით, უზრუნველგვეყო, რომ გვქონოდა პარლამენტი, რომელიც სათანადო ფორუმია ინკლუზიური პოლიტიკური დებატებისთვის. ამისთვის წინაპირობა არის ის, რომ ყველა მთავარი პარტია წარმოდგენილია სრულად და მონაწილეობას იღებს დისკუსიებში. ასევე ნახავდით, რომ ჯერ კიდევ 19 აპრილის შეთანხმებაში იყო ფორმულირებული ჩვენი მოწოდება პასუხისმგებლობის აღებასა და პარლამენტში შესვლასთან დაკავშირებით. ამას პოზიტიურ ნაბიჯად განვიხილავ“, – განაცხადა კარლ ჰარცელმა.