“რუსთავი 2“-ის მომავალი სასამართლოში ჩემთვის არ არის საინტერესო

„რუსთავი 2“-ის მომავალი სასამართლოში ჩემთვის არ არის საინტერესო, – ამის შესახებ იუსტიციის მინისტრის მოვალეობის შემსრულებელმა თეა წულუკიანმა უზენაეს სასამართლოში „რუსთავი 2“-ის საქმის განხილვასთან დაკავშირებით დასმული კითხვის პასუხად განაცხადა.
როგორც წულუკიანმა განმარტა, მისთვის უფრო მნიშვნლოვანი ის არის, რომ ახალი მთავრობა არცერთ მედიაარხს არ გააკონტროლებს.
„რუსთავი 2“-ის მომავალი სასამართლოში, ისევე როგორც მოწინააღმდეგე მხარის მომავალი სასამართლოში, ჩემთვის არ არის საინტერესო. არც ამ დავის გამოსავალია ჩემთვის საინტერესო. ჩემთვის საინტერესო ის არის, რომ 15-მდე კამერა დგას დღეს აქ და რომ საქართველოში არის მედიაპლურალიზმი და ეს მთავრობა როგორც წარსულში, ისე მომავალში არცერთ მედიაარხს არ გააკონტროლებს. ეს არის ჩემთვის მთავარი“,-განაცხადა წულუკიანმა.