არჩილ თალაკვაძემ მინისტრთა განახლებული მთავრობის დასახლებეის შემდეგ მადლობა გადაუხადა დავით ბაქრაძეს, ნოდარ ხადურს, ნოდარ ჯავახიშვილს და წარმატებები უსურვა მათ პოზიციებზე დასახელებულ ახალ კანდიდატურებს:
“ერთის მხრივ, საკანონმდებლო ჩარჩოს მხრივ, პარლამენტი ხელს შეუწყობს მთავრობას, რომ სწრაფი განვითარება იყოს უზრუნველყოფილი. მეორეს მხრივ, ჩვენ როგორც პარლამენტის წევრები, გავაკეთებთ ყველაფერს, რომ მთავრობის საქმიანობას ჰქონდეს ჯეროვანი მონიტორინგი და შედეგების შესრულებაზე განხორციელდეს საპარლამენტო კონტროლი.
რაც შეეხება ვიქტორ დოლიძეს, გამოცდილი დიპლომატია, რომელმაც კარგად იცის ევროკავშირის სტრუქტურა. დარწმუნებული ვარ, ის შეძლებს გუნდთან იმ მიზნების განხორციელებას, რომელიც ჩვენ გვაქვს ევროინტეგრაციასთან მიმართებაში. ის სრულად იზიარებს პროგრამულ პრიორიტეტებს და მიზნებს, რომელიც ჩვენს გუნდს აქვს განვითარების ამ ეტაპზე.
ვეცდებით, კონსულტაციები მინისტრთა კაბინეტთან დაკავშირებით ამ კვირაში დავასრულოთ. თემატურად კომიტეტების მიხედვით უკვე გვაქვს ხედვა, როგორ უნდა მოხდეს ეს კონსულტაციები”, – განაცხადა თალაკვაძემ.