მესმის, რომ თქვენ მე არ მოგწონვართ, მაგრამ ეს ჩემთვის დიდი კომპლიმენტია, – ასე მიმართა იუსტიციის მინისტრობის კანდიდატმა თეა წულუკიანმა „ნაციონალური მოძრაობის“ დეპუტატს, ოთარ კახიძეს.
თქვენი საქმეა, მაგრამ პოლიტიკოსობა და ადვოკატობა ორი სხვადასხვა საქმეა. თქვენ იყავით ამ საქმეზე ადვოკატი, ეს გადაწყვეტილება, რომელსაც გამარჯვებად ასაღებთ, არ არსებობს დღეს, რადგან ის გასაჩივრდა დიდ პალატაში და დიდმა პალატამ თქვა, რომ ეს გადაწყვეტილება არ შედის ძალაში. ჩვენ მარტში დიდ პალატაში დავიწყებთ ამ საქმის განხილვას. ამიტომ 8 მარტს მოემზადეთ, თუკი ისევ თქვენ იქნებით ადვოკატი თავიდან დაიცვათ ეს საქმე. მე ძალიან კარგად მესმის, რომ თქვენ ამ საქმეზე, როგორც ადვოკატს მოთხოვნილი გქონდათ, ან პატიმარს რაში თხოვთ ამ ფულს, 39 390 დოლარი და სტრასბურგმა მოგანიჭათ 4 ათასი ევრო, ესეც არ შევიდა ძალაში და ეს ფული თუ გადარდებთ, მოგიწევთ მოცდა, თუ ისევ გაიმარჯვებთ მოგანიჭებთ ფულს სასამართლო მიიღებთ ამ თანხას. მე არ ვიცი, სხვა რა გადარდებთ, რადგან ეს არის წმინდა სამართლებრივი პროცესი და ამ 4 ათას ევროს დღეს მიიღებთ, თუ ხვალ, ნუ იდარდებთ“, – განაცხადა წულუკიანმა.