პირადი ცხოვრების ამსახველი კადრების გამავრცელებლების დასადგენად ხელისუფლებამ ყველა ზომას მიმართა, თუმცა მათი დადგენა დანაშაულის დაფარვის მარტივი შესაძლებლობების გამო ვერ მოხერხდა, – ამის შესახებ პრემიერ-მინისტრობის კანდიდატმა გიორგი კვირიკაშვილმა პირადი ცხოვრების ამსახველ კადრებზე ”ნაციონალური მოძრაობის” წევრების საპასუხოდ განაცხადა.
„ჩემთვის გასაკვირია, როდესაც მიხეილ სააკაშვილი გამოდის და სიამაყით ამბობს, რომ ჩვენ კი ვიღებდით კადრებს, მაგრამ არ ვასაჯაროვებდითო. თურმე ეს ძალიან კარგი რამ ყოფილა, რომ ადამიანებს საძინებელში გადაუღებ და მერე არ გამოაქვეყნებ. მე არ ვიცი… ჩვენ რაც შეგვეძლო გამოვიძიეთ, დამნაშავეები მიცემულნი არიან პასუხისგებაში და იხდიან სასჯელს. რაც შეეხება გამავრცელებლებს-მათ დადგენაზე ჩართული გვყავდა არა მხოლოდ ჩვენი რესურსი, არამედ საერთაშორისო რესურსიც და რაც კი შესაძლებელი იყო – ჩვენი მეგობარი ქვეყნებიდან ყველა სახის დახმარება მოვითხოვეთ. სამწუხაროდ, ეს არის კიბერდანაშაულის ერთ-ერთი სახე, რომლის დადგენაც ტექნიკურად ძალიან რთულია და ამაზე პრეტენზიებს ვერ მივიღებ“ – განაცხადა კვირიკაშვილმა.