ნაძალადევის რაიონში, ხუდადოვის ქუჩა N112-ში გზის დამჭერი კედლის მოწყობა მიმდინარეობს. პროექტის ფარგლებში, 37 მ სიგრძისა და 6 მ სიმაღლის საყრდენი კედელი შენდება.
სამუშაო პროცესს ნაძალადევის რაიონის გამგებელი ირაკლი ანდღულაძე თბილისის საკრებულოს მაჟორიტარ დეპუტატ ირაკლი ხელაძესთან ერთად გაეცნო.
„ხუდადოვის ქუჩა N112-ში გზის ჩამოშლის საშიშროება იყო, რის გამოც საჭირო გახდა გრუნტის დამჭერი კედლის მშენებლობის დაწყება. მიმდინარე სამუშაოების დასრულების შემდეგ, თავიდან ავიცილებთ გზის ჩამოშლის საშიშროებას და რაც მთავარია, ადგილობრივი მოსახლეობისთვის საცხოვრებელი გარემო უსაფრთხო გახდება. ასევე, კედლის მოწყობისთანავე დამონტაჟდება ლითონის ღობე“, – განაცხადა ირაკლი ანდღულაძემ.
აღნიშნული ინფრასტრუქტურული სამუშაოებისთვის ნაძალადევის რაიონის გამგეობას ბიუჯეტში 74 370 ლარი აქვს გათვალისწინებული.