რუსთავში შურისძიების ნიადაგზე, ყოფილმა ცოლმა ქმრის ცოცხლად დაწვა სცადა და მას ბენზინი გადაასხა.
„ინფო რუსთავის“ ცნობით, ქალაქის მე-12 მიკრორაიონში 40 წლამდე ასაკის ქალმა ბენზინი შეიძინა, ყოფილ მეუღლეს შეხვედრა დაუნიშნა და მცირე კამათის შემდეგ მის დაწვას შეეცადა.
გავრცელებული ინფორმაციით, მაშინ, როდესაც ქალი ცეცხლის წაკიდებას ცდილობდა, მამაკაცმა ადგილის დატოვება და სასწრაფო დახმარების ცხელ ხაზზე გადარეკა მოახერხა. ამასობაში, თავდამსხმელმა ყოფილი ქმრის მსუბუქი ავტომობილი ქვებით დააზიანა.
როგორც გაირკვა, სამართალდამცველებმა ქალი შეტევის ადგილზევე დააკავეს.
„ინფო რუსთავის“ ინფორმაციით, მომხდარის შესახებ გამოძიება საქართველოს სისხლის სამართლის კოდექსის 157-ე და 187-ე მუხლებით დაიწყო.
კომენტარები