პოლონეთში ყაჩაღობის ბრალდებით სამი ქართველი მამაკაცი დააკავეს. ამის შესახებ ინფორმაციას ადგილობრივი მედია ავრცელებს. პრესა წერს, რომ ქართული დაჯგუფების წევრები თავს დაესხნენ ერთ-ერთ სავალუტო ჯიხურს, ცრემლსადენი გაზი გაუშვეს და ფიზიკურად გაუსწორდნენ ოპერატორს.
გამოძიებით გაირკვა, რომ თავდამსხმელები „ფორდის“ და „ვოლვოს“ მარკის ავტომობილებით გადაადგილდებოდნენ, რომელიც ერთ-ერთი კერძო კომპანიისგან ყალბი რუმინული პასპორტით იქირავეს.
დამნაშავეებმა ფულის წაღება ვერ მოახერხეს, 40, 37 და 46 წლის თავდამსხმელები პოლიციამ უკვე დააკავა. მათ 12 წლამდე პატიმრობა ემუქრებათ.
კომენტარები