ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის მონიტორინგის სამმართველოს თანამშრომლებმა, თბილისში, განხორციელებული მიმდინარე კონტროლის ღონისძიებების შედეგად, „ლიცენზიებისა და ნებართვების შესახებ“ საქართველოს კანონის შესაბამისად, სპეციალურ ნებართვას დაქვემდებარებული აზარტული ან/და მომგებიანი თამაშების უნებართვო მიწოდების ფაქტი გამოავლინეს, – ამის შესახებ ინფორმაციას ფინანსთა სამინისტროს შემოსავლების სამსახური ავრცელებს.
მათივე ინფორმაციით, ერთ-ერთი მეწარმე სუბიექტი ელექტრონულ-მექანიკურისათამაშო აპარატით უნებართვოდ აზარტული თამაშობის ორგანიზებას ახორციელებდა.
აღნიშნულ ფაქტთან მიმართებაში, ამოღებულია ელექტრონულ-მექანიკურისათამაშო აპარატი, ხოლო საქართველოს საგადასახადო კოდექსის 271–ე მუხლის მე–7 ნაწილის შესაბამისად, საქმის მასალები შემდგომი რეაგირების მიზნით, საქართველოს ფინანსთა სამინისტროს საგამოძიებო სამსახურს გადაეგზავნა.