“ქართული ოცნების” აღმასრულებელმა მდივნის, ირაკლი კობახიძის განცხადებით, საარჩევნო კოდექსში შეტანილი ცვლილებებით გერმანული მოდელის შემოღება შეუძლებელია.
“ბატონი ვახტანგ ხმალაძე ამტკიცებს, რომ 150 უდრის 77-ს და თუ ის ამას დამიმტკიცებს, შეიძლება, ხელები ავწიო. მოდელის მიზანშეწონილობაზე შეიძლება ვიმსჯელოთ, მაგრამ მიზანშეწონილობა ერთი საკითხია და კონსტიტუციურობა მეორე. საქართველოს პარლამენტში არ არსებობს იმის პრაქტიკული შანსი, რომ ეს ცვლილებები გავიდეს”, – განაცხადა 2030-ის პირდაპირ ეთერში „ქართული ოცნების“ აღმასრულებელმა მდივანმა.
მისივე თქმით, გერმანული მოდელის შემოღებას უპირობოდ ესაჭროება საკონსტიტუციო ცვლილებები.“ნამდვილად შემაშფოთებელია ის, რომ ასეთი საკითხები კითხვის ნიშნის ქვეშ დგება, ეს ყველაფერი მეტყველებს იმაზე, რომ ჩვენს ელიტაში, მათ შორის პოლიტიკურ ელიტაში, იურიდიული კვალიფიკაციის დონე ძალიან დაბალია, წინააღმდეგ შემთხვევაში ეს საკითხი საერთოდ არ დადგებოდა“,- აღნიშნა ირაკლი კობაციძემ.