ნაძალადევის რაიონში, ბეშენოვას ქუჩაზე გზის რეაბილიტაცია მიმდინარეობს. პროექტის ფარგლებში, ასფალტის ორფენიანი საფარი იგება, ასევე, მოეწყო ბორდიური და ტროტუარი. საგზაო ინფრასტრუქტურა ჯამში, 3 630 კვ.მ ფართობზე მოწესრიგდება.
ამ დროისთვის გზის სავალ ნაწილზე ასფალტის პირველი ფენა იგება. მიმდინარე სარეაბილიტაციო სამუშაოებს ნაძალადევის რაიონის გამგებელი ირაკლი ანდღულაძე თბილისის საკრებულოს მაჟორიტარ დეპუტატ ირაკლი ხელაძესთან ერთად გაეცნო.
ინფრასტრუქტურული პროექტის ღირებულება 291 000 ლარია. საგზაო სამუშაოები ნაძალადევის რაიონის გამგეობის დაფინანსებით ხორციელდება.
კომენტარები