ნაძალადევის რაიონის გამგეობის თანამშრომლებმა დედამიწის დღის აღსანიშნავად, რაიონში არსებულ 17 საჯარო სკოლის პირველ კლასელებს საჩუქრად 90 ძირი ნერგი გადასცეს. ხეები სკოლის ტერიტორიაზე დაირგო და მის მოვლა-პატრონობას კლასის მოსწავლეები და დამრიგებელი უზრუნველყოფენ. ნერგები ნაძალადევის რაიონის გამგეობას საჩუქრად შპს „მწვანე ნერგებმა“ გადასცა.
დედამიწის საერთაშორისო დღე 22 აპრილს აღინიშნება. კვირეულის ფარგლებში, თბილისის მასშტაბით, გარემოს დაცვის მხარდასაჭერი ღონისძიებები იმართება.
ასევე, დედამიწის მსოფლიო დღესთან დაკავშირებით N149 საჯარო სკოლის ტერიტორიაზე გასართობი ღონისძიება გაიმართა, სადაც მოსწავლეებმა ველორბოლაში მიიღეს მონაწილეობა. სკოლის ეზოში ველოსიპედებისთვის პარკინგიც მოეწყო.
კომენტარები