საქართველოს პარლამენტის წევრი, “ნაციონალური მოძრაობის” წევრი და მიხეილ სააკაშვილის თანაგუნდელი ამბობს, რომ პატიმრობაში მყოფ მათი პარტიის ლიდერს საკვების ამანათით შეგზავნა აეკრძალა. ხერხეულიძემ “მთავარი არხის” ეთერში თქვა, რომ ციხეში მიზეზად უსაფრთხოების საკითხი დაუსახელეს.
“მას კვების პრობლემა აქვს, ორგანიზმი აქვს დაუძლურებული ისე, რომ ნებისმიერი სახის საკვებს ის ვერ მიიღებს… როდესაც დღეს მოვიტანეთ საკვები, არ მიიღეს. მე ჩავთვალე, რომ ტექნიკური პრობლემა იყო. შიგნით რომ შევედი, აღმოჩნდა, ადმინისტრაციის გაცხადებული პოზიცია იყო, ნათქვამი ჰქონდათ მიხეილ სააკაშვილისთვის, რომ მას აეკრძალა საკვების ამანათის სახით შეგზავნა იმიტომ, რომ უსაფრთხოების თვალსაზრისით ასე მიიჩნიეს საჭიროდ. რაც ნიშნავს, რომ მიხეილ სააკაშვილს გადაუკეტეს ყველა გზა, რომ მან საკვები მიიღოს.
ექიმმა არაჩვეულებრივად იცის, რომ მიხეილ სააკაშვილი დაწესებულებაში არსებული მაღაზიით არ სარგებლობს, არ ყიდულობს პროდუქტს და ერთადერთი გზა არის ამანათი, რომელზეც უარი ეთქვა”, – თქვა ხერხეულიძემ.