“დიდია საქართველოს წვლილი ფაშიზმზე გამარჯვებაში, ქედს ვიხრი ჩვენი გმირი წინაპრების ხსოვნის წინაშე”

77 წელი გავიდა მეორე მსოფლიო ომის დასრულებიდან. ომის, რომელმაც 300 ათასი ქართველის სიცოცხლე შეიწირა. დიდია საქართველოს წვლილი მე-20 საუკუნის ბოროტებაზე – ფაშიზმზე გამარჯვებაში. ქედს ვიხრი ჩვენი გმირი წინაპრების ხსოვნის წინაშე, – ამის შესახებ თბილისის მერი, კახა კალაძე სოციალურ ქსელში წერს.

„მინდა, დღევანდელი დღე მივულოცო მეორე მსოფლიო ომის ვეტერანებს. ამ ადამიანებმა გამოიარეს ომის უბედურება და საკუთარი წვლილი შეიტანეს ფაშიზმის დამარცხებაში. ჯანმრთელობას და ხანგრძლივ სიცოცხლეს ვუსურვებ ყველა ვეტერანს!“, – წერს კალაძე.