საქართველოს საგარეო საქმეთა სამინისტრო ღრმა მწუხარებას გამოხატავს სტამბოლში მომხდარი ტერორისტული აფეთქებების გამო, რომლის შედეგადაც ათეულობით ადამიანი დაშავდა და დაიღუპა.
საქართველოს საგარეო საქმეთა სამინისტრო გმობს ტერორიზმის ნებისმიერ გამოვლინებას და სამძიმარს უცხადებს დაღუპულთა ოჯახებსა და თურქეთის რესპუბლიკის მთავრობას, ტერაქტის შედეგად დაშავებულებს კი სწრაფ გამოჯანმრთელებას უსურვებს.
შეგახსენებთ, რომ სტამბოლის ცენტრში, Vodafone Arena-სთან ორი აფეთქება წუხელ მოხდა. ამ დროისთვის არსებული ინფორმაციით, დაიღუპა 38 და დაშავდა 160-მდე ადამიანი.
კომენტარები