გიორგი მღებრიშვილმა თურქეთის რესპუბლიკის შინაგან საქმეთა მინისტრს, სულეიმან სოილუს სამძიმრის წერილი გაუგზავნა.
„საქართველოს შინაგან საქმეთა სამინისტროსა და პირადად ჩემი სახელით გამოვხატავ ღრმა მწუხარებას 2016 წლის 10 დეკემბერს, ქალაქ სტამბოლში მომხდარი აფეთქებების გამო. გიცხადებთ უდიდეს მხარდაჭერასა და თანაგრძნობას თქვენ და თურქ ხალხს ამ მწუხარების ჟამს.
განსაკუთრებით მინდა აღვნიშნო იმ სამართალდამცველების გმირული მოქმედება, რომლებმაც ამ თავდასხმების დროს თავიანთი სიცოცხლე მოქალაქეების სიცოცხლისა და ჯანმრთელობის, საზოგადოებრივი წესრიგისა და უსაფრთხოების დასაცავად გაწირეს. ჩვენ თანავუგრძნობთ თურქეთის მოქალაქეებს, გარდაცვლილთა ოჯახებსა და ყველა იმ ადამიანს, ვინც ამ საშინელი თავდასხმების შედეგად დაზარალდა. თურქ ხალხს თანადგომას ვუცხადებთ ტერორიზმის წინააღმდეგ ბრძოლაში“, – აღნიშნულია სამძიმრის წერილში.