მოკლული პაატა ქარდავას ქალიშვილი ბრალდებულ რომან შამათავასთვის სამუდამო პატიმრობას ითხოვს.
თავდაცვის სამინისტროს ყოფილი თანამშრომელის პაატა ქარდავას და რეინჯერ დავით ცინდელიანის მკვლელობაში ბრალდებულის კუდის ყოფილი ჩინოსანის რომან შამათავას სასამართლო პროცესი დღეს დაცვის მხარის დასკვნითი სიტყვით გაგრძელდა. პროკურორმა გიორგი კავსაძემ ისაუბრა იმ მოწმეთა ჩვენებებზე, მათ შორის ყოფილი ძალოვანების ჩვენებებზე, რომლებიც ყვებიან 2008 წლის აგვისტოში განვითარებულ მოვლენებს.
პროკურორის განცხადებით, ცინდელიანს და ქარდავას შამათავა აიძულებდა ეღიარებინა ჯაშუშობა. ბრალდების მხარის მტკიცებით, ორივე მათგანი შამათავას ხელმძღვანელობით გაყვანილი იქნენ ზღვაში, მათი მისამართით განხორციელდა გასროლა და შემდეგ ისინი ზღვაში ჩაყარეს.
სხდომის შემდეგ დაცვის მხარეს კომენტარი არ გაუკეთებია. დღევანდლ პროცესს არ ესწრებოდა ბრალდებული და ასევე უცნობია მომდევნო სხდომაზე, 19 დეკემბერს იტყვის თუ არა რომან შამათავა, მისი ადვოკატის შემდეგ დასკვნით სიტყვას. მას განზრახ მკვლელობას და თავისუფლების უკანონოდ აღკვეთას ედავება გამოძიება.