ბაქოში, გაჯი გაბულის რაიონში მომხდარი ავტოსაგზაო შემთხვევის შედეგად საქართველოს მოქალაქეები დაშავდნენ.
ინფორმაციას საგარეო საქმეთა სამინისტროში ადასტურებენ.
მათივე ცნობით, დაზარალებულთა შორის საქართველოს სამი მოქალაქეა.
„აზერბაიჯანის რესპუბლიკაში საქართველოს საელჩოს ოპერატიული მუშაობის შედეგად უკვე დადგინდა, რომ სტაციონარში არის გადაყვანილი საქართველოს სამი მოქალაქე. ვიცე კონსულმა და პოლიციის ატაშემ პირადად მოინახულა სამივე დაზარალებული. მოქალაქეებს მსუბუქი დაზიანებები აქვთ მიღებული. მათ სიცოცხლეს საფრთხე არ ემუქრება“,- განაცხადეს საქართველოს საგარეო საქმეთა სამინისტროში.
საგარეო უწყების ცნობით, საელჩო დაზარალებულების ოჯახის წევრებთან პირდაპირ კონტაქტზეა.
დაშავებულები აზერბაიჯანელი ეროვნების საქართველოს მოქალაქეები არიან.
კომენტარები