ნაძალადევის რაიონში, გუდამაყრის ქუჩა N2ა-ში წყალარინების არსებული სისტემის შეცვლა და დამატებით ახალი ქსელის მოწყობა მიმდინარეობს. შენობის სარდაფებში და გარე პერიმეტრზე ჯამში, 357 გრძივი მეტრი ქსელი მონტაჟდება, ასევე, 5 საკომუნიკაციო ჭა მოეწყობა.
მიმდინარე სამუშაოებს ნაძალადევის რაიონის გამგებელი ირაკლი ანდღულაძე გაეცნო. გამგებელი ადგილობრივ მოსახლეობასაც შეხვდა.
„ამ საცხოვრებელ კორპუსში 330 ოჯახი ცხოვრობს. სერიოზული პრობლემები იყო წყალარინების ქსელზე, რის გამოც დისკომფორტი ექმნებოდა ადგილობრივ მოსახლეობას. მიწისქვეშა კომუნიკაციებზე მუშაობის დასრულების შემდეგ საგზაო სამუშაოებს დავიწყებთ და ასფალტის საფარიც დაიგება“, – აღნიშნა ირაკლი ანდღულაძემ.
კომუნიკაციების მოწყობა-რეაბილიტაციის პროექტი ნაძალადევის რაიონის გამგეობის ბინათმესაკუთრეთა ამხანაგობების განვითარების ხელშეწყობის პროგრამის ფარგლებში ხორციელდება, რისთვისაც გამგეობის ბიუჯეტში 151 000 ლარია გათვალისწინებული.