საინფორმაციო სააგენტო “ტაიმერის” დამფუძნებელი ბერდია კალანდია სოციალურ ქსელში პოსტს აქვეყნებს.
“რუსეთ-საქართვლოს საზღვარზე მარტო რუსები არ დგანან. უმეტესობა ქართველები არიან, რომლებიც რუსეთში დევნილობის პერიოდიდან ცხოვრობენ. მათ გამოზავნილ ფულს კი საქართველოში დარჩენილი ღატაკები ვჭამდით და ვჭამთ.
ხალხი საზღვარს მას შემდეგ მოაწყდა, რაც პუტინმა სანახევრო მობილიზაცია გამოაცხადა.
სოციალური ქსელის მომხმარებლების ნაწილი თვლის, რომ ეს ადამიანები რუსები არიან და მათზე ღლიცინებს, თუმცა სინამდვილეში, რიგში მდგომთა უმეტესობა ქართველია, ანუ ის ქართველი, რომელიც აფხაზეთის ომმა დევნილად აქცია და იძულებული გახდა, შიმშილით სიკვდილისთვის თავი რომ დაეღწია, რუსეთში გადახვეწილიყო. არა მარტო დევნილი…
სხვათა შორის, ამ ადამიანების მიერ რუსეთიდან გამოგზავნილი ფულით საქართველოში დარჩენილი ბევრი ადამიანი 90-იან წლებში შიმშილით სიკვდილს გადაურჩა.
დიახ, არ უნდა დაგვავიწყდეს, რომ როგორც კი საქართველოში ულუკმაპუროდ დარჩენილებს გაუჭირდებოდათ – შვილის ქორწილი იქნებოდა, ვინმეს ქელეხი, ან, უბრალოდ, ვალის დაბრუნება, წამლების გამოგზნა, წაგებული ფულის გასტუმრება, “შმოტკები” მაშინვე რუსეთში გადახვეწილი ახლობლები ახსენდებოდათ და პრობლემაც გვარდებოდა.
ჰოდა, ახლა, როცა ამ ადამიანებს და მათ შვილებს არ უნდათ, პუტინის სისხლიან და უსამართლო ომში მიიღონ მონაწილეობა და ამიტომ, სამშობლოში ბრუნდებიან, ღლიცინი და დაცინვა მაინცდამაინც მორალური არ უნდა იყოს.
აბა, ის იქნებოდა კარგი, ქართველებს პუტინის ომში მონაწილეობა რომ გადაეწყვიტათ და უკრაინელების სისხლი დაეღვარათ?
ამიტომ, სანამ კლავიატურის ლომობა დავიწყებთ, ჯობია, დავფიქრდეთ, ავწონ-დავწონოთ და აღვირახსნილი პოსტები ისე გამოვაცხოთ ხოლმე!
ნაკლები ღლიცინი არ გაწყენდათ!”
