ე. წ. კანონიერ ქურდებთან მიმართებაში სისხლის სამართლის კოდექსი არანაირად არ შერბილდება, – ამის შესახებ შინაგან საქმეთა მინისტრმა გიორგი მღებრიშვილმა განაცხადა, რითაც უპასუხა კითხვას, იგეგმება თუ არა „სისხლის სამართლის კოდექსში“ ცვლილებები, ე.წ. კანონიერი ქურდების მუხლთან დაკავშირებით.
„მე სპეციალური ჯგუფიც გავგზავნე იტალიაში, სადაც საკმაოდ დიდი გამოცდილება აქვთ კრიმინალთან ბრძოლის წინააღმდეგ და ამ საკითხზე ვმუშაობთ. რანაირად შეიძლება შევარბილოთ „კანონიერი ქურდების“ წინააღმდეგ სანქციები? – შერბილებას ნამდვილად არ ვაპირებთ. თუ რამე ცვლილება მოხდება, მხოლოდ გამკაცრების კუთხით“, – განაცხადა გიორგი მღებრიშვილმა.
კომენტარები