საფრანგეთმა უკრაინას 100 მძლავრი გენერატორო გაუგზავნა. შესაბამის ინფორმაციას უკრაინული მედია, საფრანგეთის საგარეო საქმეთა სამინისტროზე დაყრდნობით ავრცელებს.
კერძოდ, საუბარია 50-100 კილოვატის სიმძლავრის გენერატორებზე, თითოეულს რამდენიმე ათეული ბინის ელექტროენერგიით უზრუნველყოფა შეუძლია.
„მოსახლეობის დასახმარებლად, საფრანგეთი უგზავნის უკრაინას 100 მძლავრ გენერატორს მაშინ, როდესაც რუსეთს სურს ზამთარი ომის იარაღად აქციოს“, – დაწერა საფრანგეთის საგარეო საქმეთა მინისტრმა, კატრინ კოლონამ „ტვიტერში“.
საფრანგეთის საგარეო უწყების ცნობით, გენერატორები უკვე გზაშია და უკრაინის ხელისუფლებას უახლოეს დღეებში გადაეცემა.
კომენტარები