ძალიან მნიშვნელოვანია, რომ საზოგადოებამ ყველა ფორმით, ყველგან და აქტიურად გამოხატოს პროტესტი იმ უსამართლობის მიმართ, რაც ხდება სააკაშვილის თავს, – ამის შესახებ „ნაციონალური მოძრაობის“ მოშიმშილე დეპუტატმა, დავით კირკიტაძემ განაცხადა.
„თუ მესამე პრეზიდენტის სიცოცხლის უფლებას ვერ ვუფრთხილდებით და არ ვიცავთ, წარმოუდგენელია, რომელიმე მოქალაქის ეს ფუნდამენტური უფლება იყოს დაცული. ამიტომ, ჩვენ ვაგრძელებთ შიმშილობას“, – აღნიშნავს კირკიტაძე.
„ნაციონალური მოძრაობის“ 4 დეპუტატი საკანონმდებლო ორგანოში შიმშილობას აგრძელებს. უკვე მესამე დღეა, რაც ოპოზიციური პარტიის წევრები მიხეილ სააკაშვილის საზღვარგარეთ გადაყვანას რადიკალური ფორმით ითხოვენ. ანა წითლიძეს, დავით კირკიტაძეს და აბდულა ისმაელოვს გუშინ თემურ ჯანაშიაც შეუერთდა.
კომენტარები