“ქართული ოცნების” ერთ-ერთი ლიდერის, ირაკლი ქადაგიშვილის განცხადებით, კანონპროექტის გაწვევის გადაწყვეტილება, ქვეყანაში მშვიდობის და სტაბილურობის შენარჩუნების მიზნით იქნა მიღებული.
მისივე თქმით, ეს გადაწყვეტილება მოქალაქეებისა და განსაკუთრებით, ახალგაზრდების დაცვას ემსახურებოდა.
“როდესაც ჩვენ მივიღეთ ეს გადაწყვეტილება, მივიღეთ გამომდინარე იქიდან, რომ ის მდგომარეობა რომელიც შეიქმნა ქვეყანაში ამ საპროტესტო აქციებით დროს, როდესაც შესაძლებელი იყო გადაზრდილიყო უმართავ სიტუაციაში, მოჰყოლოდა მსხვერპლი, მოჰყოლოდა შემდეგი გართულებები, სწორედ ეს იყო მთავარი განმაპირობებელი, რომ შეგვენარჩუნებინა ქვეყანაში, მშვიდობა და სტაბილურობა. არ მომხდარიყო არც ერთი ადამიანის, განსაკუთრებით, ახალგაზრდის ისეთი დაზიანება, ან ისეთი პროვოკაციული მძიმე შედეგები, რომელიც იქნებოდა ძალიან მძიმე. სწორედ მოქალაქეთა ინტერესებისა და ქვეყანაში მშვიდობის და სტაბილურობის შენარჩუნების მიზნით იქნა ეს გადაწყვეტილება მიღებული”, – განაცხადა ირაკლი ქადაგიშვილმა.