ჩვენი კონსტიტუცია იმგვარად არის დაწერილი, რომ პირდაპირ უბიძგებს პოლიტიკოსს გახდეს სახალხო დამცველი და არა პირიქით,- ამის შესახებ სახალხო დამცველმა, ლევან იოსელიანმა „ქრონიკაში“ განაცხადა.
„პასუხისმგებლობა ნამდვილად დიდია და გარემოებები, რომელიც დაემთხვა ჩემს სახალხო დამცველად არჩევას ნამდვილად იყო რთული, რადგან განიხილებოდა კანონპროექტი, რომელსაც მე, როგორც პარლამენტის წევრი თავის დროზე და უამრავი ადამიანი ამ ქვეყანაში ვეწინააღმდეგებოდით და ვაპროტესტებდით. მიუხედავად ამ ყველაფრისა მნიშვნელოვანია, რომ უკვე აქ, ამ პოზიციიდან მოვახდინო ამ ყველაფრის ობიექტური და სამართლიანი შეფასება, რაც მე გავაკეთე დღეს, როდესაც შევაფასე მოვლენები, რომლებიც ამ რამდენიმე დღის წინ განვითარდა. ის, რომ კონსენსუსი შედგა სახალხო დამცველზე, არის ძალიან მნიშვნელოვანი, ეს იყო მეთორმეტე პუნქტი, რომელიც შესრულდა და პირველად საქართველოს ისტორიაში სახალხო დამცველი პოლიტიკოსი გახდა. პოლიტიკური კონსენსუსი შედგა პოლიტიკურ პარტიებს შორის. ეს კიდევ ერთხელ მეტყველებს რამდენად მნიშვნელოვანია კონსენსუსი განსხვავებულ პოლიტიკურ აქტორებს შორის. ჩვენი კონსტიტუცია იმგვარად არის დაწერილი, რომ პირდაპირ უბიძგებს პოლიტიკოსს გახდეს სახალხო დამცველი და არა პირიქით. იმიტომ, რომ საქართველო არის საპარლამენტო ომბუდსმენის ქვეყანა, შესაბამისად, პოლიტიკურ ორგანოში, პოლიტიკოსები ირჩევენ სახალხო დამცველს. ამაში უცნაური არაფერია და დაახლოებით 27 ქვეყანაა ევროპაში და მის გარეთ, სადაც პოლიტიკა იყო და არის სახალხო დამცველი და თვითონ ევროკავშირის ომბუდსმენი და სახალხო დამცველი ორგზის იყო სახალხო დამცველი. ეს არის ძალიან მნიშვნელოვანი ამბავი და ამაზე რაღაც ზედმეტი კითხვის ნიშნები არ არსებობს“,- განაცხადა იოსელიანმა.