არ შეიძლება, იყო ბიძინა ივანიშვილის ადვოკატი და ამავდროულად გახდე უცხოური გავლენის აგენტი, – ამის შესახებ “ქართული ოცნების” თავმჯდომარემ, ირაკლი კობახიძემ ვიქტორ ყიფიანის განცხადების კომენტირებისას ისაუბრა.
“როდესაც ხარ ბიძინა ივანიშვილს ადვოკატი და ამავდროულად ხდები უცხოური გავლენის აგენტი, ეს ყველაფერი თავისთავად, ბუნებრივია, ნიშნავს იმას, რომ ასეთი დამოკიდებულებით პრემიერი ვერასდროს გახდები, არამარტო „ქართული ოცნების“ ხელით, არამედ, ზოგადად ვერასდროს გახდები ასეთი დამოკიდებულებით პრემიერმინისტრი. არ შეიძლება, იყო ბიძინა ივანიშვილის ადვოკატი და ამავდროულად გახდე უცხოური გავლენის აგენტი”, – აღნიშნა კობახიძემ.
ივანიშვილის ადვოკატმა, ვიქტორ ყიფიანმა ე.წ. აგენტების კანონზე “ქართული ოცნება” გააკრიტიკა, ხოლო უკრაინასთან მიმართებით კობახიძის განცხადებები “ცეცხლზე ნავთის დასხმად” შეაფასა.