ისინი ხვდებიან ქალბატონ ანა ფოტიგას, რომელიც არის „დროას“ დამფინანსებელი საერთაშორისო ფონდის ერთ-ერთი ხელმძღვანელი. ფაქტობრივად, როგორც ჩანს, ანგარიშს აბარებენ საკუთარ იდეურ ხელმძღვანელს, – ამის შესახებ საპარლამენტო უმრავლესობის წევრმა, რატი იონათამიშვილმა განაცხადა, რითაც “დროას”, “გირჩი -მეტი თავისუფლებისა” და “სტრატეგია აღმაშენებლის” წარმომადგენლების ევროპაში ვიზიტს გამოეხმაურა.
მისი თქმით, ამ ადამიანების განცხადებების შინაარსი არ ემთხვევა საქართველოსა და ევროკავშირის პარტნიორულ ურთიერთობებს.
„განსაკუთრებული შემთხვევაა „დროა“, რომელიც ერთდროულად არის დაფუძნებული როგორც სამოქალაქო ორგანიზაცია და პოლიტიკური პარტია. ცხადია, ეს არის არაკეთილსინდისიერი დამოკიდებულება. ახლა ჩვენ ვხედავთ, რომ ისინი ხვდებიან ქალბატონ ანა ფოტიგას, რომელიც არის „დროას“ დამფინანსებელი საერთაშორისო ფონდის ერთ-ერთი ხელმძღვანელი. ფაქტობრივად, როგორც ჩანს, ანგარიშს აბარებენ საკუთარ იდეურ ხელმძღვანელს. ეს ადამიანები საქართველოს ინტერესების წინააღმდეგ გამოდიან. მათი საუბრების შინაარსი არ ემთხვევა ჩვენი ქვეყნისა და ევროკავშირის პარტნიორულ ურთიერთობებს“, – თქვა იონათამიშვილმა.