“ვადამდელი არჩევნების ახლა მოთხოვნა არის არასწორი”

ოპოზიციონერი დეპუტატი ხათუნა სამნიძე აცხადებს, რომ დღეს ვადამდელი არჩევნების მოთხოვნა არასწორად მიაჩნია.

მისივე თქმით, ახლა პრიორიტეტი უნდა იყოს ევროკავშირის 12 პუნქტის შესრულება.

„ვადამდელი არჩევნების მოთხოვნა ახლა მგონია არასწორი, პოლიტიკური სიბეცეც, რადგან დღეს ნომერ პირველი არჩევანი და პრიორიტეტი უნდა იყოს 12 პუნქტი. იქნება თუ არა რიგგარეშე არჩევნები, ამას აჩვენებს პოლიტიკური პროცესი, როგორ მოიქცევა „ქართული ოცნება“, მაგრამ ამის მოთხოვნა დღეს არასწორია“, – განაცხადა ხათუნა სამნიძემ.