ძლიერი და ერთიანი ნატო გახლავთ სასიცოცხლოდ მნიშვნელოვანი ჩვენი უსაფრთხოებისთვის ევროპაში მის საზღვრებს გარეთაც და ამიტომაც სპეციალურად მორგებული პაკეტი შემუშავებულია საქართველოსთვის 2023 წელს, – ამის შესახებ გაერთიანებული სამეფოს საგარეო, თანამეგობრობისა და განვითარების საქმეთა სახელმწიფო მდივანმა, ჯეიმს კლევერლიმ ილია დარჩიაშვილთან შეხვედრის შემდეგ გამართულ პრესკონფერენციაზე განაცხადა.
მისი თქმით, ბრიტანეთის საელჩო რუმინეთის საელჩოსთან იმოქმედებს, როგორც ნატოს საკონტაქტო პირი საქართველოში.
„ჩვენი ორმხრივი თავდაცვის თანამშრომლობა სცდება მხოლოდ სამხედრო თანამშრომლობის ჩარჩოებს და მოიცავს ერთობლივ სამუშაოს კიბერუსაფრთხოებისა და დეზინფორმაციასთან ბრძოლის მიმართულებით. საქართველომ ძალიან დიდი ნაბიჯები გადადგა დემოკრატიის განვითარების მიმართულებით 1987 წელს მარგარეტ ტეტჩერის ისტორიული ვიზიტის შემდეგ. იმისთვის, რომ გამყარდეს დემოკრატია და გაძლიერდეს თქვენი ინსტიტუტები, მოგიწოდეთ, განაახლოთ და გააძლიეროთ თქვენი ვალდებულებები მასმედიის თავისუფლებასთან დაკავშირებით. სამოქალაქო საზოგადოებასთან მიმართებაში და სასამართლო სიტემის დამოუკიდებლობასთან დაკავშირებით. ჩვენ ვართ და დავრჩებით მტკიცე და ურყევი მეგობარი საქართველოსი. მე ძალზე მოხარული ვარ, რომ დღეს თბილისში ვიმყოფები და ველი იმას, რომ ჩვენი ურთიერთობა კიდევ უფრო მაღალ დონეზე ავა მომავალში“, – განაცხადა ჯეიმს კლევერლიმ.