ჩვენს პარტნიორებს ვუთხარით, რომ ვერ გავყვებით მკაცრ პოლიტიკაში. ჩვენ არ ვართ ნატოსა და ევროკავშირის წევრი ქვეყანა, ჩვენ ვართ ნახევრად ოკუპირებული ქვეყანა და რუსული ჯარი დგას ჩვენს ტერიტორიაზე, – ამის შესახებ პრემიერ-მინისტრმა ირაკლი ღარიბაშვილმა ჟურნალისტებთან განაცხადა
„გასაგებია, რომ ევროპას ძალიან მკაცრი მიდგომა აქვს. ჩვენს პარტნიორებს ვუთხარით, რომ ვერ გამოგყვებით ამ პოლიტიკაში. ჩვენ არ ვართ არც ნატოსა და არც ევროკავშირის წევრი ქვეყანა. ჩვენ ვართ ნახევრად ოკუპირებული, რუსული ჯარი დგას ჩვენს ტერიტორიაზე. გვაქვს პირდაპირი საზღვარი რუსეთთან და გვაქვს ჩვენი გამოწვევები. დაანებეთ თავი სხვა ქვეყნის ინტერესებზე ფიქრს და მუშაობას. ისინი თავად მიხედავენ საკუთარ ინტერესებს, ხოშტარია-სააკაშვილის დახმარება არ დასჭირდებათ. ისინი კარგად ფიქრობენ, ევროპამ სამასი მილიარდი გადაუხადა შარშან რუსეთს, ამერიკას ვაჭრობა არ შეუჩერებია, ეს გააგებინეთ ხალხს“, – აღნიშნა ღარიბაშვილმა.