გალის რაიონის სოფელ მახუნჯიადან 48 წლის გ.ც. გაიტაცეს. შემთხვევა ოთხი დღის წინ მოხდა. ცეცხლსასროლი იარაღით შეიარაღებულმა ექვსმა პირმა საკუთარი საცხოვრებელი სახლიდან იარაღის მუქარით გაიყვანა მამაკაცი. იმ დროისათვის, ოჯახში მამაკაცის მოხუცი დედა და მეუღლე იმყოფებოდნენ.
როგორც გ.ც-ს დამ და მეუღლემ „მოამბესთან” ინტერვიუში განაცხადეს, გამტაცებლებმა დაიბარეს, რომ თუ 200 ათას რუსულ რუბლს არ გადაიხდიან, მამაკაცს ცოცხალს ვერ ნახავენ.
გატაცებულის ოჯახი დახმარებას ითხოვს. მისი ადგილსამყოფელი, ამ დრომდე, უცნობია.
კომენტარები